CM Tuki-a'n WB-a 'nun' pawngsual a dem

Arunachal Pradesh Chief Minister Nabam Tuki chuan West Bengal-a 'Catholic nun' pawngsual rawn a ni chu a dem thu Thawhlehni khan a sawi a, pawikhawihtute chu dan hmanga na taka hrem a phut thu a sawi bawk.

Tuki chuan 'nun' laka thilthleng chu nunrawn thlak a tih thu leh mihring te chet dan atana mawi lo a tih thu a sawi bawk. "Midang te tana thilṭha ti a, mipui rawngbawlsaktu chunga hetiang thil thlen duhtute hian eng rilru nge an put?" tiin zawhna a siam bawk.

Chief Minister Tuki chuan West Bengal sor­kar chu a rang thei bera pawikhawihtute zawng­chhuak tura a phut thu leh hrem loha chhuah lo tura a duh thu a sawi bawk a, mi saulte pawikhawihna tuartu, 'nun' chu a tawrhpui thu a sawi bawk.

March 14 khan West Bengal, Nadi district Ranaghat sub-division-a Jesus and Mary convent school-a mi Sister Superior, kum 72 mi chu mi pariatin an pawngsual rawn a ni.