Dimapur-ah pawikhawihtua puh mi 56 man tawh

Nagaland police te chuan March 5-a Nagaland, Dimapur Central Jail-a tang, pawngsualtua puh, Syed Farid Khan sawisak hlumnaa inhnamhnawiha puh mi 56 an man tawh thu an tarlang.

Dimapur Additional SP K Shouka chuan mobile video an neih beh­chhanin Thawhṭanni khan mi pahnih an man thu a sawi a, finfiahna awm loin pawikhawihtute man an nih loh thu a sawi bawk.

Police te chuan a vawi thumna atan an mi zawnte thlalak an tlangzarh leh a, an mi zawnte chu anmahni hmaa inlan turin an hriattir nghal.