Helte vauna vangin Imphal-ah school khar

Hel pawl ṭhenkhatte vauna avangin Manipur khawpui, Imphal-a Cathlolic kohhran school-te chu Thawhlehni khan khar a ni.

Hel ho hian Catholic kohhran school-te hnen aṭangin pawisa an phut ṭhin nia an sawi bakah Catholic school te chu Kristian sakhaw zirtirna thehdarhah an puh bawk a, school pahnihin he lam hawia vauna lehkha an dawn thu Catholic kohhran mi pakhat chuan a sawi.

Catholic school thuneitute chuan hel pawlte nena inremna an siam hma chuan school chu khar chhunzawm zel a nih tur thu an tarlang bawk.

Hetihlai hian school principal te chuan school-ah zalen taka leh­kha zirtir a nih theih nan leh zirlaite'n an zirlaiah harsatna an tawh loh nan Manipur khua leh tuite chu zirna humhalh turin an ngen bawk.