CM Sarkar-a'n BJP a sawisel

Tripura Chief Minister Manik Sarkar chuan Prime Minister Narendra Modi-a kaihhruai BJP sor­kar chu sawiselin, sum­dawng pawl liante duhdana sorkar inrelbawlna kalpuiah a puh.

Sarkar chuan central-a BJP sorkar leh Congress party chu danglamna an neih loh thu a sawi bawk.

"BJP sorkar chu sumdawng lian leh mi hausate tihlawm nan a hmanhlel a, kum 2014 Lok Sabha inthlan neih dawna a thutiamte a theihnghilh tawh a ni. Mipuite tana ni ṭhar duhawm (Ache Din) thlen tura beisei, BJP chuan chhiatna thlentu ai a awh tawh a, India ram pumah loneitu mahni intihlum an la hluar hle," tiin Sarkar chuan a sawi bawk.

CPI(M) Politburo member Sarkar chuan BJP leh Congress chu danglamna nei lo tiin, Congress policy chu Gandhi chhungkua behchhana siam a ni a, BJP policy chu Rashtriya Swayamsevak Sangh (RSS) beh­chhana siam a ni, a ti.

BJP sorkar chu hmar­chhak state te enhrangah a puh bawk a, hmar­chhak biala helna hluar chhan chu inkalpawhna kawngpui ṭhat loh vang leh ṭhalai hna thawh tur nei lote vang a ni, tiin a sawi bawk.