Meghalaya : Awami League hruaitu thata puhna BSF-in pha

Bangladesh media-ten Awami League hruaitu pakhat, Ishaque Ali Khan Panna chu Meghalaya leh Bangladesh ramriah Border Security Force (BSF) in an that tia thu an thehdarh chu dawt a ni tih BSF chuan an tarlang.

Awami League students wing - Chhatra League general secretary hlui, Panna hi Bangladesh chhuahsana India luh a tum chu BSF hian Meghalaya-a ramri bulah an lo that niin Bangladesh media chuan an tarlang a, hetianga a thi a nih loh pawhin lungphuchawla thi a nih an rin thu an sawi bawk.

BSF chuan Panna thattua an puhna hi dawt a nih thu sawiin, eng pawlin emaw hlawkna an neih duh vanga dawt thehdarh ta mai a ni tih an sawi. Panna ruang chu Dawki border, Meghalaya aṭanga hla tak, Bangladesh ramchhungah chhar a ni tih BSF official chuan a tarlang.

Panna thih chhan tak hi hriat a la ni lo a, Awami League mi leh sate tharum hmanga bei ṭhintu Jamaat-e-Islami mi leh sate thah a ni tia sawi an awm ve bawk. Heng mite lak aṭanga tlanchhiat a tumna lamah Jamaat-e-Islami pawl hian nangchingin an that niin report ṭhenkhatah chuan tarlan a ni.