AP-ah Medical College din a ni dawn

Sorkar laipui chuan Arunachal Pradesh-ah Medical College din turin hma a la mek a, state chhungah health institution eng emaw zat din tum a ni bawk.

Union Health and Family Welfare Minister J P Nadda chuan he thu hi sawiin, Medical college hmasa ber tur hi Naharlagun-ah din a ni dawn a, hei bakah hian medical college dang Tezu Lohit district-ah din tura ngaihtuahna sen mek a ni a ti. Union minister hi Chief Minister Kalikho Pul nen Inrinni khan New Delhi-ah he mi chungchangah hian inbiakna an nei a ni. Pul chuan Tezu-ah hian Medical College hi din a nih theih chuan mipuite bakah Armed forces leh paramilitary forces te tana a ṭangkai tur thu a sawi. Pul hian J P Nadda chu Bomdila leh Tezu-ah te Nursing school dinna tur sum ngaihtuahpui turin a ngen bawk a ni. AP chief minister hian Health Sector lamah nasa taka hmalak a nih tur thu a lo sawi tawh. Nadda chuan state hmalakna te chu a theih anga
ṭanpui a inhuam thu chief minister hian lo hrilhin, health institution din nan cheng vaibelchhe 83 pek an nih tur thu a sawi.

Hei bakah hian Per-sonal Independence Payment (PIP) leh welfare scheme te chu ennawn tura a duh thu Union Health and Family Welfare Minister J P Nadda hian a sawi bawk.