AP Police officer-te eirukna lakah fihlim lo

Arunachal Pradesh Chief Minister Kalikho Pul chuan Deputy Chief Minister Kameng Dolo leh Chowna Mein te chu eirukna laka fihlim lo leh inhnamhnawih officer leh official te lakah zahngaihna lantir lo turin a ngen.

Chief Minister chuan Arunachal Armed Police Battalion (AAPBn) commandant-in sum dik lo takin a la nia sawi a awm thu sawiin, complain a dawng tih a sawi. Pul chuan senior police officer te chuan police junior zawk te hnen aṭanga sum an la
ṭhin nia sawi awm chu thil zahthlak tak a ni a ti a, tun hnuah chuan thleng tawh lo se a duh thu a sawi. Police officer te an puhna hi a dik a nih chuan sorkar dan an bawhchhia a, an chungah hremna lek theih a ni a ti. Home Minister hna chelhtu Kameng Dolo chu he mi kawngah hian hma la nghal turin ngen a nih thu Pul chuan a sawi bawk.

Arunachal Pradesh hian Deputy chief minister pahnih Kameng Dolo leh Chowna Mein te an nei mek a ni.