Kohima Police ten Crime Report tichhuak

Kohima Police te chuan kumin kum chanve chhungin Kohima-a pawikhawihna thlenga inhnamhnawihah mi 216 an man a, an zinga 10 te chu hmeichhia an nih thu Crime Report-ah tarlan a ni.

SSP Kohima Joseph Hesso chuan January-June thla chhung khan thubuai 146 ziah luh a ni a, chung zinga 55-ah chuan chargesheet siam a ni a, tihkhawtlai 84 a awm mek thu a sawi. Lirthei rukbo thubuai 30 awmin he mi hlut zawng hi cheng vailchhe khat vel a ni. Ganja kg 2886 zet man a ni a , he mi hlut zawng hi cheng 28,86,000 vel niin, opium kg 5, cheng 1,25,000 hu man a ni. Kohima police te chuan Spasmo Proxyvon cheng 5,20,000 an man bakah ralthuam eng emaw zat an man a, chung zingah chuan 7.65mm pistol pahnih, magazine, 9mm pistol pakhat, China siam .22 pistol leh .22 rifle te pawh a tel a ni.