Shillong Civil Hospital-ah online registration system

Shillong Civil Hospital chu Meghalaya state chhunga sorkar enkawl hospital zinga online registration system hmang hmasa ber a ni ta.

State Health and Family Welfare Minister A.L. Hek chuan Online Regis-tration System (ORS) thar hi a hawnga, he hun hi Health and Family Welfare Secretary K.W. Marbaniang, Civil Hospital Medical Shillong Superintendent Dr. B. Mawlong leh Health Department mi pawimawh tak tak ten an hmanpui a ni. Minister chuan online registration system hawn a ni thei ta chu hmasawna ropui tak a ni a ti a, damlo leh mipuiten ṭangkai taka an hman a beisei thu a sawi. Mipuite tan online registration system chu thil thar a nih avangin, a hrilh hretu tur dah an ni dawn a ni. Chu chuan hun rei tak tak kan khawhral ṭhin te a tihzia awm beisei a ni a ti.

National Informatics Centre (NIC) Shillong-a thawk T Dkhar chuan Shillong Civil Hospital-in ORS a hman theih nana hmlakdan tarlangin, PM Narendra Modi an July 01, 2015-a a hawn Digital India lama hmalakna chhuanawm tak a ni a ti. NIC chuan Online Registration System hman a nih theih nan hian nasa takin a ṭanpui a, National Data Centre, Delhi chuan online service atan hian tha a thawh tih a sawi. Dkhar chuan damlo mobile number chu Unique Identification Authority of India (UIDAI) ah register a nih chuan a ṭang kai dawn hle a, ziak lut lo tan pawh harsatna tur a awm lo niin a sawi bawk.