Hmar National Army dintu kahhlum a ni

Hmar National Army Foun­der-president Lalthanshang Hmar chu Thawhlehni khan Mani­pur-a a chenna in Churachandpur district-ah kahhlum a ni.

Manipur police te chuan Lalthanshang Hmar kahhlum a nih thu hi an puang a, a tirah a thi nghal mai lo tih sawiin, hospital panpui a ni a, a hliam tuar lovin zing lamah a chatthla zui ta a ni an ti. He thil thlengah hian Kangleipak Communist Party (K.K. Nganba) mi leh sa panga te chu thuzawh fiah tura lak an ni. Hmar National Army hi Tribal hel pawl lian ber te zing a mi a ni. April 21, 2016 khan 7th Battalion Manipur Rifle camp Imphal east district a mi chu beih a lo ni tawh a, People’s Revolutionary Party of Kangleipak (PREPAK) chairman hlui N. Nabachandra leh a driver te chu kahhlum a lo ni tawh bawk.