Sorkar laipui leh NSCN ten Inbiakna chhunzawm dawn : Garg

Ministry of Home Affairs, Joint Secretary (Northeast in-charge) Satyendra Garg chuan Thawhṭanni khan sorkar laipui leh National Socialist Council of Nagaland (NSCN-IM) ten inremna zawnga inbikna an neih mek chu NSCN chairman Isak Chishi Swu thihna chuan a nghawng loh tur thu leh, inbiakna chu chhunzawm a nih tur thu a sawi.

Foundation for Environment and Economic Development Services (FEEDS) buatsaihin Thawhṭanni khan lo neitute tan ni sarih awh tur training programme Imphal-ah ṭan a ni. He trainning-ah hian lo neitu mi 60 an tel a, Ministry of Home Affairs, Joint Secretary Satyendra Garg chuan a hawnna a nei a ni. Garg chuan lo neitute tana training programme buatsaih a ni chu lawmawm a tih thu sawiin, a tel zawng zawng ten an ṭangkaipui ngei a duh tih a sawi. Garg hian NSCN-IM chungchang sawi chhuakin, tun hnaia an chairman Isak Chishi Swu boral chu a ui tak zet tih a sawi. Isak Chishi telo a inbiakna neih chhunzawm tur chu a huphurhawm rualin inremna a awm theih nan inbiakna neih chu tih mak mawh a ni a ti. Inbiakna hi New Delhi-ah neih leh tur a ni dawn tih sawiin, Manipur-a hnam ṭhenkhat te nena inbiakna pawh neih mek a nih thu a sawi.