KHADC te Supreme Court-ah zualko dawn

Khasi Hills Autonomous District Council (KHADC) leh Hima Nongstoin Land Owners’ Coal Traders’ & Producer’s Association te chuan National Green Tribunal ten Meghalaya state chhunga lungalhthei khur an thunun chungchangah Supreme Court-ah zualko an tum thu an sawi.

Thuchhuah inṭawm an siamah chuan, KHADC chuan Supreme Court-ah hian affidavit an thehlut dawn tih an sawi a, tunhmaa an lo kalpui ṭhin tawh dan te thlen an tum a ni. He mi chungchangah hian dan hremi rawn an tum thu leh NGT ten khuahkhirna an hman mek chu Supreme Court-ah hian thlen a, chinfel theih an beisei thu an sawi. Pawl pahnih te hian meeting an nei a, mining policy chungchang leh an lo kalpui tawh ṭhin dan te an sawiho a, Khasi leh Jaintia Hill Area-a lungalhthei khur neite an tel kim hle a ni.