AP-ah Dalai Lama piancham lawm a ni

Arunachal Pradesh-ah chuan Nilaini khan Buddhist puithiam Dalai Lama piancham vawi 81-na chu lawm a ni a, amah ngaisangtu ṭhahnem tak an pungkhawm a ni.

Piancham lawmna hi Thubchog Gatsel Ling Monas-tery, Bomdila-ah neih a ni a, a dam rei nan te, chakna a neih theih nan te ṭawngtaisakna hun hman a ni. West Kameng Deputy Commissioner Sonal Swaroop chuan he hun hi a hmanpui. Commanding Officer, Arunachal Scout, Madras Regiment, administrative officer leh mi eng emaw zat an pungkhawm a ni.

Itanagar Buddhist Cultural Society (IBCS) te chuan Dalai Lama pual hian hun an hmang a, IBCS leh Men Tse-Khang te chuan free medical camp an buatsaih bakah, live concert huaihawt a ni. IBCS president Sonam Tenzing chuan, vawiinah hian boruak muanawm tak hnuaiah mi ropui bik piancham kan lawm a, a hnathawh zozai hi a ropui tak zet a ni a ti. Dalai Lama chuan amah ngaisangtu leh a piancham lawmpuitute chu duhsakna a hlan ve bawk.