AP CM-in zangnadawmna hlan

Arunachal Pradesh Chief Minister Kalikho Pul chuan Bhalukpong, West Kameng district-a leimin avanga nunna chan chhungte hnenah cheng nuai li
ṭheuh a hlan a, he chhiatna thleng avanga hliam tuarte hnenah cheng nuai khat ṭheuh a hlan bawk.

Bhalukpong-a July 1-a leimin avang khan mi sawm an thi a, hmeichhia pasarih leh naupang pathum an ni. Sorkar building leh mimal chenna in eng emaw zat a chhia a, mi pali ten hliam na tak an tuar bawk. CM chuan hliam tuarte hnenah state sorkar chuan zangnadawmna pek leh an nih tur thu a sawi a, thi zinga mi Pinky Boro farnu Samina Boro chu sorkar hna pek a nih tur thu a sawi bawk. Pul chuan kha chhiatna thlenga nunna chan ta leh hliam tuarte a lainat tak zet thu a sawi a, chhanchhuah hna thawktu paramilitary forces, BRTF, NDRF, HoDs leh mipuite inpekna chu ropui a tih thu a sawi. Leimin thlenna hmun hi tlawhin, sorkar building chhia - circuit house quarters leh building dang pakua te sak ṭhat dan tur a enpui a ni. Chief minister hi Power Minister TN Thongdok, PWD Minister Kumar Waii leh MLA dang ten an zui.