PCI-in September-ah Disturbed Areas puang dawn

Press Council of India (PCI) chuan Thawhlehni khan Septrember-ah 'Disturbed Areas" puan a nih tur thu an sawi a, Manipur chu special guidelines siamsak an ni ang.

PCI member pathum Ravindra Kumar, K Amarnath leh CK Nayak te chuan tunhnai khan Manipur Press Club Imphal-ah thuthar thehdarhtute an kawm a, Ravindra Kumar chuan All Manipur Working Journalists’ Union member leh editor te hnathawh chu a fak. Hmun ralṭi leh boruak muanawm loh tak karah huaisen taka an hna an thawk thei chu an chhuanawm tak zet a ni a ti. PCI member te hian State Chief Secretary, Additional Chief Secretary leh Director General of Police te an kawm a, media te harsatna tawh an sawipui bakah hmalak dan tur te an sawipui a ni. Kumar chuan Manipur tana special guidelines siam chu thil tihmakmawh a ni a ti a, hemi chungchang hi PCI executive committee-ah a thlen tur thu a sawi bawk. Manipur-ah hian hel chungchangah Media leh sorkar thu a inhmu lo fo a, guidlines fel tak siam chu a pawimawh tak zet a ni a ti.