Bank rawktu mi pasarih man tawh

Manipur Police te chuan July 4-a HDFC Thoubal branch rawk a nih chungchang an chhuinaah mi pasarih an man tawh a, rangka-chak nuai 19 man hu an hmu let tawh tih an sawi.

Rangkachak te hi misual te chuan dilah an paih lut a, police te hian an la let leh tawh a ni. Hnu chhui hna hi Assam Rifles leh Nongpok Sekmai Police te chuan an thawk a, pawikhawihtute hi Shikhong Sekmai Keithel-ah man an ni. An zinga pakhat Thiyam Suresh (25) chu Ukhrul pan a tum laiin man a ni. A kut aṭang hian police te chuan cheng nuai 52 man a nih thu an sawi bawk. Charangpat Mayai Leikai leh a chhehvel chu nasa taka dap a ni a, Laishram Jayenta chenna compound chhunga dilah rangkachak cheng nuai 19 man vel hu hi polythene bag chhungah hmuh a ni ta a ni. July 4 khan HDFC Thoubal branch hi mi pasarih vel te chuan an luhchilh a, ralthuam leh hmanraw hmanga hnathawktute an vau beh hnuah pawisa cheng vaibelchhe khat vel leh rangkachak ṭhahnem tak an ru chhuak a ni.