Meghalaya-in depatt fund 20% in tihniam

Meghalaya sorkar chuan an state-a lung-alhthei laihchhuah khap a nih avanga sum hmuhna tam tak a tawp tak avangin, sorkar depart-ment hrang hranga tana fund a pek chu 20% in a tihniam.

Meghalaya State Planning Board chuan an state sum dinhmunte thlirin, National Green Tribunal-in an state-a lungalhthei laichhuah a khapsak chuan an sum lakluhna lamah nghawng a neih dante an sawiho. He meeting hi Chairman Salseng C Marak chuan kaihruaiin, Chief Sec-retary KS Kropha leh senior official-te an tel a ni.

MSPB co-chairman John Kharshiing chuan lungalhthei laihchhuah khap a nih vang leh, an state-a zu dawr tam tak khar chuan state sum dinhmunah nghawng a nei lian hle tih a sawi.