NE tribal group-ten state hran phutna tharthawh leh dawn

Hmarchhak biala tribal pawl hrang hrang Bodo, Karbi, Kokborok leh Kuki-te chuan Assam-a National Federation of New States (NFNS) thlawpnain, state hran phuta an nawrna chu a huhoa tharthawh leh an tum.

All Bodo Students Union President Promod Boro chuan BJP chuan kum 2014-a central-a thuneihna an chan hma khan, Bodo leh tribal hnam dangten state hran an phutna chu ngaihtuah a lo tiam tawh niin a sawi. "Mahse kum hnih an sorkar hnuah pawh tun thlengin engmah a la ngaihtuah lo a ni" a ti.

Bodoland, Vidarbha, Karbi Anglong, Bundel­khan, Gorkhaland, Kuki­land leh Tripuraland state hrang siam nawrna chu hnam hram hrangten an venhim leh humhalh an ngaihzia an lantirna tarlan­na a ni tiin, an thil phut chung­changah central sor­kar hnuaia state reorgani­zation committee hmalak­na chu a ṭhat tawk loh avangin tha thara nawr leh an tum tih Boro chuan a sawi.

Tribal pawl hrang hrangten state hran an nawrna chu NFNS hian a thlawp dawn a, August 15 hian Guwahati-ah rally huaihawtin, September 1 aṭangin tiam chin awm loa chawngheia nawrh huaihawt an tum thu a sawi bawk.