Assam-ah Minister car-in bus a su

Assam Agricultural Minis-ter Atuk Bora car (registration number AS01 MB 6600) chuan Zirtawpni khan TATA Magic mini bus (registration number AS03AC 0062) chu Na-Ali, Kuripukhuri-ah a su a, mi 15-in hliam an tuar. Mini-bus-ah hian mi 16 an chuang a, hliam zinga mi pahnih te chu an dinhmun a ṭha lo hle tih Jorhat Police te chuan an sawi. Minister car-ah hian mi pahnih an chuang a, minister hi hliam zingah a tel lo nia hriat a ni. A khalhtu zawk hian hliam na tak tuarin, hliam tuar dang te nen hian Jorhat Medical College-ah dahluh nghal an ni. Hliam zingah hian naupang thla 10 mi leh kum nga mi an tel a ni.