Slum free city-ah Guwahati siam tum

Assam sorkar chuan Guwahati khawpui chu mi rethei chenna-in neilote awm lohna khawpui, slum free city-a siam tumin, Rajiv Awas Yojana (RAY) scheme hnuaiah slum-a chengte tan chenna-in a siamsak dawn.

Guwahati Municipal Corporation-in Rajiv Awas Yojana scheme a kalpui dan chungchang ennawnna neihah Chief Minister Tarun Gogoi chuan he thu hi a sawi a, RAY scheme chu chak zawka kalpui ṭha a tih thu a sawi bawk.

Gogoi chuan Guwahati slum area 164-a chengte chenna tur in sakna atan a rang lama hma la turin official te a ngen bawk a, chenna-in sak chhunga an awm lailawkna tur pawh ngaihtuahsak turin official te a hriattir bawk.

RAY scheme hnuaiah hian slum area-a cheng chhungkaw 18,500 chu chenna-in ngaihtuahsak phawt an ni ang.