Hyderabad varsity te'n NE mite chanchin course-ah telh dawn

Ministry of Human Resource Development (MHRD) thuchhuak bawhzuiin Hyderabad-a university te chuan zirlaiah hmarchhak mite chanchin telh an tum thu an tarlang.

University of Hydera­bad (UoH) chuan hmar­chhak history leh culture te chu zirlai course-ah telh tumin hma a lak mek thu a tarlang a, Osmania Univer­sity (OU) pawhin campus-ah northeastern studies centre a hawng bawk.

University of Hyderabad-a associate professor, Ajailiu Niumai chuan hmarchhak bial issue hrang hrang, history, economy, environmental issue, social institution, gender, social movement leh ethnic conflict telna course hrang hrang siam an tum thu a sawi.

"North East study centre hawng turin rawtna a awm bawk a, University of Hyderabad-ah hian hmarchhak zirlai 600 dawn leh hmarchhak mi zirtirtu 12 an awm mek a ni," tiin associate professor Niumai chuan a sawi.