AP Assembly Speaker-in MLA 14 te thubuai a hnawl

Honchun Ngandam Committee report-in a tarlan dan chuan, Arunachal Pradesh Legislative Assembly member 14 te laka MLA Rajesh Tacho-a thubuai ziah luh chu State Assembly Speaker Wanki Lowang chuan Inrinni khan chinfel a nih thu a sawi.

Speaker chuan MLA Rajesh Tacho-a'n MLA 14 te ban an nih theih nana a hmalakna chu hnawlsak a nih tak thu sawiin, an buaina chu party inbeihna a ni a ti. Kha tih hunlaia Chief Minister Nabam Tuki leh Kalikho Pul te chu mawhphurtute an ni a ti a, party chhunga hruaitu pahnihte inkara buaina awm chu chinfel tawh a ni a ti. Honchun Committee-ah hian member pathum an awm a, Speaker hi member zinga mi a ni. He mi chungchangah hian April 6 khan Gauhati High Court chuan thupek a chhuah. Committee member Honchun Ngandam chuan hemi chungchangah hian final report chu Speaker kutah June 10 khan a hlan tawh a ni. Rajesh Tacho hian MLA te ban an nih theih nan hian kum 2015 December 7 khan thubuai a ziak lut. MLA 14-Pema Khandu, Kumar Waii, Kameng Dolo, Markio Tado, J Gamlin, P D Sona, M Mithi, Kamlung Mossang, Phosum Khimhun, Wanglin Lowangdong, Thangwang Wangham, Lombo Tayeng, T N Thongdok leh Chief minister ni ta Kalikho Pul te chu bang tura tih zingah hian an tel a ni.

Congress hunlaia Speaker Nabam Rebia chuan MLA 14 te chu nikum December 15 khan a disqualify a, Rajesh Tacho chu Gauhati High Court-ah a zualko ta a ni. Court chuan April 6 khan MLA te hi disqualify an nih thu nemnghetin, sorkar dinglai chu rorel thei loin a awm zui bawk. Speaker thutlukna hi July 11 hmaa a copy Gauhati High Court thleng tura tih a nih thu Arunachal Assembly Speaker Wanki Lowang chuan a sawi.