Assam tuilianin Sanctuary ṭhenkhat a chim

Assam-a tuilianin ziaawm lam a la pan thei lo a, mihring nuai khat chuang zetin harsatna an tawh bakah state chhunga sanctuary ṭhenkhat chu tuilian hian a chim chho mek.

Brahmaputra lui lian chuan Mori-gaon district-a Samak te chenna Pobitora Wildlife Sanc-tuary chu 60% zet a chim tawh a, he Sanctuary-a infrastructure 50% zet a tichhe bawk niin Forest Department official chuan a tarlang. Sanctuary thuneitute chuan venhimna khauh zawka kenkawh nghal a ni a, Samak te himna chu ngaih pawimawh a ṭul thu an sawi. Samak peltute venna tura camp an siam Kuchiyani, Kolabhuyan, Kukkari, Tuplung leh Nekera te chu tui hian a chim vek tawh a ni.

Assama tuilian vang hian mihring nuai khat leh singthum vel te chuan harsatna an tawk mek a, Lakhimpur, Golaghat, Morigaon, Barpeta leh Jorhat district te chu a tuar nasa zual an ni. Assam state disaster manage-ment authority chuan tuilian avang hian mi pahnihin nunna an chan tawh tih an tarlang bawk.