Leimin vangin NH2 kaltlang theih loh

Manipur chakkhai lamna kawngpui pawimawh tak National Highway 2 chu Pathianni aṭang khan leimin nasa tak avangin kaltlang theih lohin a awm mek.

Leiminna hmun hi Nagaland khawpui Kohima bul a ni a, mihring leh khawl hmangin siam ṭhat hna thawh nghal a ni. NH 2 leh NH 37 te hi Manipur kalpawhna kawngpui pawimawh tak nimahse leimin avang hian vawi eng emaw zat kaltlang theih lohin a lo awm tawh ṭhin a ni. Leimin avang hian Manipur bakah hmarchhak state te chuan harsatna an tawk mek a, NH 702 chu leimin avangin kaltlang theih lohin a awm mek a, lirthei eng emaw zat a ṭangkhang mek. Manipur hian tuilian avangin harsatna a tawk mek bawk a, Chandel leh Ukhrul district-a khaw ṭhenkhat chu tuiin a chim tawh a ni. Chadong khua-a Biak In leh school te chu tuiin a chim tawh bakah an thlai chin te chu tuilianin a tichhe hneh hle. Chadong khua-a tuilian tuartu chhungkuate te hi zangnadawmna cheng nuai 15 ṭheuh pek an ni a, khaw thar din tura tih an ni.