Assam sorkar-in mega project kalpui dawn

Assam sorkar chuan an state chhunga tuilian danna tur mega project thawhna turin Asian Development Bank (ADB) aṭangin pawisa a puk dawn. Project atan hian cheng vaibelchhe 321 vel beisei a ni a, kumin kum tawp lamah hna ṭan hman beisei a ni.

Guwahati Development Department Additional Chief Secretary MGVK Bhanu chuan hna hi kum thum chhunga zawh hman tura tih a ni a ti a, hemi tur hian chak taka hma lak a ni ang. ADB-ah hian dilna thehluh a ni tawh a, a thuphung chuan pawm a ni tawh a, hna hi kumin kum tawp lamah ṭan hman a ni ang a ti. Project hian tuilian laka invenna bakah tui pump siam te, tui thianghlim dah ṭhat te a huam ang. Assam-ah hian kumtin tui lian avangin mi tam takin harsatna an tawk ziah a, nunna chan eng emaw zat an awm tawh bawk.