AP-ah hmeichhe Police Station din belh dawn

Arunachal Pradesh sorkar chuan hmeichhe tan bik police station 21 zet din a nih tur thu a puang. Police station-a thawk tur hian hmeichhia 400 vel zet lak an ni dawn bawk.

Thawhṭanni khan Itanagar-ah Cabinet meeting neih a ni a, meeting chuan hmeichhe tan bika police sation siam belh hi a rem ti a ni. Kum 2013 khan a hma-sa ber atan Arunachal Pradseh-ah hian hmei-chhe police station hi din a lo ni tawh a ni. Meeting kaihruaitu Chief Minister Kalikho Pul chuan Constable te Head Constable-a an kaisan cabinet chuan a remtihsak thu a sawi. Heng bakah hian Cabinet chuan Additional SP mi pangate SP rank pek a remti a, Kra Daadi district-a Palin-ah police station din a nih tur thu a sawi bawk. Cabinet meeting-ah hian hmasawnna hna thawh mek leh hmachhawp te an sawiho a, Medical College hmasa ber Naharlagun-a din tur chungchang leh hnathawktu tur lak dan te an sawiho a ni. Medical College-a thawk tur hi mi 411 lak an ni dawn a, an zinga 200 te chu faculty an ni ang a, staff 211 lak a ni dawn bawk a ni.