JCILPS hruaitu hlui Ratan lakah thubuai 75 ziah luh a ni

Joint Committee on Inner Line Permit Systems (JCILPS) hruai-tu hlui Khomdram Ratan chu thubuai hrang hrang 75 zet siamsak a ni. Imphal West SP Dr AK Jhalajit chuan state sorkar aiawhin Thawhṭanni khan Manipur High Court-ah thubuai a ziaklut a ni.

Ratan-a lakah hian police station hrang hrangah thubuai 75 te hi ziah luh a ni a, mipuite kaihruai dik tawk lo leh kum 2015 June-August chhunga JCILPS te hmalakna hrang hranga inhnamhnawihah puh a ni. Chief Justice Rakesh Ranjan Prasad leh Justice N Kotiswar te chu National conference chhima an kal avangin a chungchang hi July 18-ah ngaihtuah a ni ang. Ratan hian UNLF flag kengin thla a la a, hel pawl hi a zawm nia sawi a ni. Imphal police station-ah chuan Ratan-a lakah hian FIR 26 thehluh a ni a, JCILPS te hi UNLF te chuan sumin an ṭanpui ṭhin nia sawi a ni.

Ratan hian SBI Singjamei branch-a a account-ah nuai 35 vel a nei nia sawi a ni bawk.