Sikkim Assembly session a tawp

Sikkim Assembly chuan Ningani khan financial year thar, 2015-16-a thla li chhung state sorkar senso tur, vote-on-account-a a pass hnuah session tihtawp a ni.

Finance portfolio changtu, Chief Minister Pawan Chamling chuan vote-on-account hi session ṭan ni-ah a pharh a ni.

Revenue expenditure aia capital expenditure a tam chhan sawifiahin Chief Minister Chamling chuan Sikkim chu mipui­te ṭhatna tur ngaihtuah­tu a nih angin sorkarin mipuite mamawh engkim a ngaihtuahsak a ni, a ti. Sorkar chuan a mipuite chu chaw ei tur, damdawi leh zirna thlengin a ngaihtuahsak a ni, a ti.

State sum lakluh tam tak chu sorkar hnathawkte thla hlawh, pension leh allowance-ah te hman a nih thu sawiin state sor­kar chuan schemes hrang hrang a kalpui mekte a thawh zawh hma chuan project thar siam a tum rih loh thu a sawi bawk.

Sikkim Assembly hian session neih chhung hian Sikkim Municipalities (Amendment) Bill a pass bawk.