Assam-in HSLC pass zirlai ti ṭhate Rs 20,000 pe dawn

Assam education minister Himanta Biswa Sarma chuan an state-a Class X examination pass thar zirlai ti ṭha, 75% hmu chin chu cash award, Rs 20,000 pek an ni dawn tih a sawi. 

Minister chuan state sorkarin a hmain zirlai ti ṭhate hi lawmpuina, computer a pek ṭhin thu a sawi. Mahse computer part-te hi China leh ram dang aṭanga lak luh an ni a, India-in China bungrua a boycott vang te, hripui leng mek aṭangin ram dang aṭanga lakluh a buaithlak avangin a pawisa faiin an pe dawn tih a sawi a ni. 

Sarma chuan zirlai, HSLC exam-a 75% hmu tlingte chu an bank account-ah Rs 20,000 hi state sorkarin a thunsak dawn a ni, a ti. He lawmman dawng thei tur zirlai 16,944 an awm.