Tripura : Assam-in tuilian tuarte ṭanpui nan Rs vbc 5 a hlan

Assam tourism minister, Jayanta Malla Barua chuan Assam sorkar aiawhin Tripura tuilian tuartute ṭanpui nan Rs vbc 5 a hlan. Barua hian Tripura chief minister Manik Saha chenna hmun, Agartala-ah sum hi a hlan a ni.

Tripura CM Saha chuan social media kaltlangin Assam CM leh Assam sorkar hnenah lawmthu a hrilh. "Tuilian tuartute ṭanpui tura an rawn pen chhuah avangin Assam chief minister Himanta Biswa Sarma leh Assam sorkar hnenah tih takzetin lawmthu ka sawi a ni," tiin Saha chuan X lamah a tarlang.

Manik Saha hian a chenna hmuna sum hlantu Assam tourism minister hnenah pawh lawmthu hrilhin, tuilian vanga harsatna tawktute ṭanpui nana Rs vbc 5 a hlan avangin a lawm hle tih a tarlang a ni.