Meghalaya tan kawng siamna tur Rs vbc 276.88 pek a ni : Dy CM

Meghalaya Deputy Chief Minister Prestone Tynsong chuan North East Special Infrastructure Development Scheme (Roads) (NESIDS) hnuaiah kawng siamna atan Rs vbc 276.88 pek an ni tih a puang.

Meghalaya-a kawng siamna project pasarih atan sum Rs vbc 404.35 ruahman niin hei hi kum nga chhung (2019-2024) atana ruahman a ni. Tun ṭuma sum an dawn hi he project huamchhunga mi tur a ni tih Dy chief minister leh PWD (Roads) in-charge ni bawk, Tynsong chuan a sawi.

Dy CM Tynsong chuan an state tan sum ruahman aṭanga Rs vbc 276.88 chu tun hnaiah pek chhuah a ni tih tarlangin, FWO pekchhuah a nih aṭanga thla 24 chhungin hna hi thawh ṭan tur a ni tih a sawi bawk.