Manipur CM-in Dolaitha project zawh thuai a duh

Manipur-a Dolaithabi Multi-purpose Project thawh mek chu March thla thla chhunga zawh tura ruahman ni mah se, chhan hrang hrang vangin a hun ruatah hian zawh hman a ni dawn lo.

Manipur Chief Minister Okram Ibobi Singh chuan Dolaithabi Multi-purpose Project hi kar kalta Inrinni khan a hmunah tlawhin, hnathawh dan leh hmasawn dante a enfiah. CM hi

Irrigation and Flood Control Mnister Ngamthang Haokip, Speaker Th Lokeshwar leh official dangten an ṭawiawm.

CM chuan project thawh mek dinhmunte zawtfiahin, a thawktu company chu a hun bituk chhunga zo hman turin a ti.

State official-te chuan an state chhung nawrh leh kawngpui dan huaihawt a nih fo vangte, hnathawktu indaih tawk loh avang tein hna a muan phah niin an sawi. He tuikhuah hi kum 1992-a Planning Commission bultuma ṭan a ni a, tuikhuah aṭang hian thlai chinna ram, hectare 7,500-a zau tan thlai tur tur pek theih beisei a ni.