Centre-in hmarchhak hmasawnna a ngai pawimawh : Yadav

Union Minister of State for Drinking Water and Sanitation Ram Kripal Yadav chuan sorkar laipui chuan hmarchhak bialin kawng hrang hranga hma a sawnna tur chu a ngai pawimawh hle a ni, a ti.

'Hmarchhak bial hi hun rei tak thlahthlam a lo ni tawh a, mahse Prime Mi­nister Narendra Modi kaih­hruai sorkar chuan ramchhung hmun dangte ruala dah turin a bei mek a ni' tiin minister chuan an sawi.

Kar kalta Zirtawpni tlai khan Yadav hian National Rural Drinking Water and Sanitation Awareness Week hmanpui turin Kohima a thleng a ni.

Yadav chuan March 10-a Lok Sabha-a pass, Land Bill chungchang pawh sawichhuakin, he bill siam danglam hi eptuten dodal mah se, mipui­ten tana hnathawhna tur siamchhuahna remchang a ni dawn a, hmasawnna chak zawka kalpui theihna tur a ni, a ti.

'Congress leh political party dangte chuan he Bill tihbuai hrim hrim hi an tum a, mipuite tihchiai an tum a ni' tiin, hei hi Congress party-in coal scam chungchanga hmingchhiatna an neihte hliahbo an tumna hmanrua niin a sawi.