Assam mipuiten budget chung-changah rawtna thlen thei dawn

Assam-a BJP kaih-hruai sorkar chuan July 26-a Assembly Budget Session neih turah mipui-ten rawtna an thlen ve theih nan “participatory model” hman a nih tur thu a puang.

He mi chungchangah hian Thawhlehni khan Guwahati-ah press confe-rence neih a ni a, Finance Minister Himanta Biswa Sarma chuan, "Sorkar chuan July 26-a Legis-lative Assembly Budget Session neih turah mipui-ten an ngaihdan leh rawtna te an thlen theihna tur ruahmansak an ni" a ti. Minister chuan budget pharh a nih hma hian mipuite chuan sorkarah rawtna an thlen theih nan chanchinbu lamah hriattirna chhuah a ni tawh a, mipuite chuan e-mail hmangin rawtna hi an thlen thei dawn a ni, a ti.

Assam sorkar chuan leiba tam tak a neih tihtlem nan leh state-in sum harsatna a tawh mek sutkian a nih theih nan tunhnai khan chhiah lak tihpun a ni. He mi changchang hi Sarma chuan sawi chhuakin, chhiah tihpun ni mah sela a eng thil mah Meximum Retail Price (MRP) aia sanga hralh phal a nih loh thu a sawi. Assam Medicine Dealers Association te chuan sorkar-ah ngenna ziakin an thlen a, mipui hnenah damdawi a man pangngai aia sanga hralh a nih loh nana hma la turin an ngen a ni. Thil man chungchang hi sorkar chuan ennawn tumin hma a la mek a ni. Assam Finance minister chuan hmarchhak huam chhungah chhiah lak dan inang (Uniform Taxation Policy) vek hman a nih theih nan state tin finance minister te a sawipui tur thu a sawi bawk.