Kohhran ngenna avangin Tura-ah zu dawr khar

Meghalay-a Tura-ah chuan kohhran hrang hrang leh mipuite ngenna avangin zu dawr khar a ni a, thupek hi Thawhṭanni khan West Garo Hills Deputy Commissioner chuan a chhuah. Khawpui chhunga zu dawrte chu khar vek a ni a, a hnuah ṭhenkhat chu hawn leh ni mah se ngenna avangin khar leh an ni.

Hemi chuagchangah hian Chief Minister Dr Mukul Sangma chenna inah meeting neih a ni. Zu dawr neitute chuan dawr hawng leh tur hian tualchhung thuneitute hnena aṭanga phalna an lak a ngai tawh dawn a ni. Meghalaya Excise Rules chu tunhnai khan siamṭhat a ni a, danah chuan zu dawrte hi National Highway hnaiah hawn phal a ni lo. Kohhran hruaitute chuan Biak In bul hnai zu dawr hawn khap ve turin sorkar an ngen a ni.