Naga mite rilru siam ṭhat a ngai: Chishi Swu

NSCN-IM chairman Isak Chishi Swu chuan Naga mite rilru siam ṭhat a ngai tih sawiin, pawikhawihna pakhat chauh thleng pawh hnam bing zawnga lak a nih ṭhin avangin pawi nasa zawk a thlen phah ṭhin niin a sawi.

"Mimalin pawi pakhat a khawih pawh hnam thil anga lak a ni a, chu chuan thil ṭha lo lehzual a thlen ṭhin a ni. Hetiang thil a thlen lohna tura kan do a ngai. Hnam bing rilru, inlak bingna leh rotekawla sepa ang mai te hi Naga mipuite hmelma a ni. Tunlaia Naga mite rilru leh sukthlek hi siam ṭhat a ngai hle," a ti.

India hnuaia awm chungchangah Swu chuan, "Naga te hian bul kan ṭan tawh a, a tawp kan thleng tur a ni ang. Kan kut kan lek tawh a, kir lehna tur kawng a awm tawh lo, kan kal zel ang," tiin Naga mite inlakhran chungchang a sawi.