ATSUM-in a hun taka ADC inthlan buatsaih phut

All Tribal Student’s Union Manipur (ATSUM) chuan chief minister N. Biren Singh hnenah memorandum thehlutin,  Autonomous District Council (ADC) paruka inthlan neih tur chu tikhawtlai loa, ruahman lawk anga kalpui turin state sorkar an ngen. 

Memorandum-ah hian ADC chairman-te, kumin November thlaa an term zo turte pawh ṭhiahsak nghal turin an ngen tel bawk. 

ADC pali, Chandel, Ukhrul, Kang­pokpi leh Tamenglong chuan a hmain Hills Area Committee (HAC) leh state sorkar hnenah an term a tawp hnuah pawh an state-a hri leng vang leh, thlai/buh seng hun a nih chhoh avangin  December aṭangin thla ruk dang pawhsei sak turin an lo ngen a ni. Mahse hei hi ATSUM chuan sawiselin, ADC chairman-ten term pawhsei sak a ngaihna chhan nia an sawi chu thil pawmawm loh tak a ni tih an sawi.