Tripura-in a nghetin doctor la thei lo

Tripura state-ah doctor an indaih lo  hle a, post ruak 844 awm mah se kum 2018 aṭang khan junior doctor a ngheta lak a la nei lo. 

Hmarchhak state zingah Covid-19 vanga thi zat, fatality rate sanna ber a ni mek a, doctor indaih lohna zualpui phuhruk nan state department chuan contract-in 75 lak a tum. Hetih lai hian doctor tam zawk chuan a nghet tur a nih loh avangin an duh lo tih an sawi. 

Contract-a chhawr lai doctor eng emaw zat pawh sorkarin a dah ngheh theih loh avangin an bang a, "Hri leng dona kawngah Army leh BSF leh armed force dangte nen frontline warrior min ti a, mahse sipaite hi hna  nghet nei loin indona tualzawlah in tir thei dawn em ni?" an ti. Hri dona kawngah leh thil dangah pawh contract doctor-te chu an thawk nasa tih an sawi. 

All Tripura Govern­ment Doctors Associa-tion (ATGDA) pawhin unemployed doctor-ten regular post siam tura a phutna chu an thlawp tih sawiin, state chhunga heathcare workforce chu a chhe hle a, sorkar hnenah pawh hnathawktu la thar tura an ngen fo thu an sawi. 

Hemi rual hian sor­karin sum a ngah tawk lo tih pawh ah hriatthiampui tih an sawi bawk.