Cabinet-in NE power project revised cost a pawm

Cabinet Committee of Economic Affairs (CCEA), prime minister Narendra Modi hoa Nilainia ṭhukhawm chuan North Eastern Region Power System Improvement Project (NERPSIP) Revised Cost Estimate (RCE) cheng vaibelchhe 6,700 a pawm.

He scheme hi Powergrid kaltlangin, Ministry of Power chuan hmarchhak state paruk - Assam, Manipur, Meghalaya, Mizoram, Nagaland leh Tripura-te nen thawkhoa a siam a ni a, nakkum December thlaah zawh theih beisei a ni. 

Hmarchhak state-te tana power grid innghahna tlak leh state connectivity tihchangtlunna tur a ni a, hei bakah hian state parukte per capita income power consumption pawh pun phahin, economy lama hmasawnna pawh a thlen thei dawn a ni. 

Scheme hi kum 2014 December thla khan Central Sector Plan Scheme of Ministry of Power-ah pawm a lo ni tawh a, World Bank leh sorkar laipuiin 50:50 in a thawhna tur hi an tum dawn a ni. Hei bakah hian capacity building atan sorkar laipui chuan Rs vbc 89 a tum bawk ang.