Assam-ah multi-modal logistic park hmasa ber siam dawn

India rama multi-modal logistic park (MMLP) hmasa ber chu Assam-a Jogighopa-ah siam a ni dawn. 

Union Minister for Road Tran­sport and Highways Nitin Gadkari chuan nimin khan virtual-in multi-modal logistic park siamna tur lungphum hi a phum a ni. He park hi Bharatmala Pariyojna hnuaiah siam a ni dawn a, a siamna senso atan hian cheng vaibelchhe 693.97 ruahman a ni. 

Minister chuan park siam tur chu ram pum tan pawha thil chhinchhiah tlak a nih thu sawiin, hei hian hnathawhna leh sumdawnna kawngah kawng zau tak a hawng dawn a ni, a ti. Assam chuan hmarchhak bial pum tana hmasawnna kawngah a thawh hlawk dawn hle tiin a sawi. 

Cheng vaibelchhe 693.97 seng siam tur park hian air, road, rail leh waterway kaltlangin mipuite tan direct connectivity a siam thei dawn a ni. 

MMLP hawnna inkhawm hi chief minister Sarbananda Sono­wal-a'n a kaihruai a, union minis­ter Jitendra Singh leh VK Singh bakah centre leh state-a official ṭhenkhatin an telpui bawk.