Union Social Justice Minister-in Manipur a tlawh

Union Social Justice and Empowerment Minister Thaawar Chand Gehlot chuan ni hnih cham turin Thawhṭanni khan Manipur a thleng a, Manipur BJP chuan Imphal, Keishampat-a an office-ah hmuahna inkhawm an buatsaih.

Union Minister chuan amah hmuahna inkhawm­ah hian thu sawiin state sorkarin ram a ngaihtuah thei a nih chuan Manipur-a hnam hnuaihnung, ST, SC leh OBC zirlaite tan khum 200 awmna hostel dinsak a duh thu a sawi.

Union Minister Gehlot hi Union Minister of State for Social Justice and Empowerment Krishna Pal Gurjar-a'n a ṭawiawm.

BJP Manipur Pradesh chuan Union Minister hnenah hian Manipur-a Software Technology Park leh Technical Institute din tura dilna, memorandum an thehlut a, tar leh upa te tan Old Age Home hawn an dil bakah hnathawkte tan working men & women hostel siam an ngen bawk.

Hetihlai hian nimin khan Union Minister of State for Textiles Dr Santoshkumar Gangwar chuan nimin khan Manipur khawpui, Imphal a thleng ve leh bawk.

Union Minister Gangwar hian Manipur-a puantahna khawl power hmang bun hmasa ber (power loom) a hawng nghal ang.

Prime Minister Narendra Modi kaihhruai, sorkar laipui chuan Union Minister te tan hmar­­chhak bial tlawhna programme a buatsaih a, he programme hnuaiah hian Union Minister te chuan kar hnih danah a in­chhawkin hmarchhak state an tlawh ṭhin.