ANSU-in Mar 26 hian Itanagar-ah bandh dawn

All Nyishi Students’ Union (ANSU) chuan March 26 hian Arunachal Pra­desh khawpui, Itanagar-ah bandh a huaihawt dawn.

Bandh hian zing ni chhuah aṭanga tlai ni tlak thleng a awh ang.

State sorkarin pre-paid power metering system project a kalpui avanga dodalna lantir nan ANSU chuan bandh huaihawt a tum a ni.

ANSU president Byabang Joram chuan state sorkarin pre-paid power meter a vuahtir mek chu chawlhsan turin vawi eng emaw zat an ngen tawh thu a sawi a, ANSU thil phut chu a buaipuitu department te'n an ngaipawimawh loh avangin khauh zawka hmalak a ṭul ta a ni, a ti.