Nagaland Education atan USD mtd 68 project pawm

World Bank chuan Naga­land-a zirna quality ṭha zawk siamna tur leh, good educational governance kalpuina turin US dollar maktaduai 68 hu project a pawm. 

He project hi 'The Enhancing Classroom Teaching and Resources Project' tia vuahin, World Bank chuan zirlaite tana zirna ṭha leh hmanraw ṭha zawk kalpui a, traditional mode leh technological learning kaldun pui te bakah zirtirtute tan pawh professional engagement lamah hun remchang ṭha zawk siamsak a tum a ni. 

Nagaland education project hi World Bank-in India rama hmasawnna hna a kalpuina, India Project pali zingah a tel a ni. Project pali atan hian USD mtd 800 ruahman a ni. 

India rama World Bank Country Director, Junaid Ahmad chuan he project hi Nagaland-a zirlai 1,50,000 leh zirtirtu 20,000 ten an chhawr ṭangkai thei dawn tih a sawi.