Tripura Civil Service Officer Panna Ahmad man a ni

Tripura Civil Service officer, joint director of Youth Programme and Sports chelh mektu Panna Ahmed chu hun rei tak hnuah pawngsual thubuai avangin Thawhlehni khan Karimganj district, Assam-ah man a ni.

Tripura Police te chuan Panna Ahmed (44) hi Karimganj-ah man a nih thu leh Court hmaah inlan tura hruai a nih tur thu an puang. June 26 daih tawh khan hmeichhe pawngsual tawk hian police station-ah thubuai a ziak lut tawh a ni. Hmeichhia chuan Panna Ahmed chenna in Ramnagar-ah in luah tur dilin a kal a, a lo pawngsual ta mai a ni a ti. Tripura sorkar chuan Ahmed hi a hna aṭangin a suspend tawh. Hemi chungchangah hian state sorkar chu hma la chak tawh lohah ngaiin eptu party Congress, BJP leh Trinamool Congress te chuan Chief Minister Manik Sarkar chenna kawtah lungawi lohna an lo lantir fo tawh a ni.