River Fest ṭan

Meghalaya khawpui Shillong-ah vawiin aṭang hian river festival 'NADI 2016' chu ṭan a ni a, naktuk thleng a awh ang.

NADI 2016-ah hian India, Bangladesh, Myanmar, Bhutan leh Nepal aṭangtein Minister, policy maker, expert, academician leh senior official te an fuankhawm dawn a ni. Ram hrang hrang ten an tum ber chu culture, tourism, trade leh environment lama inzawmna ṭha zawk neih a nih thu an sawi.

NADI 2016 hi Meghalaya sorkar leh Kolkata-a hmunpui nei Maulana Abul Kalam Azad Institute of Asian Studies te buatsaih a ni a, ni hnih a awh ang. Asian Confluence director chuan NADI 2016 an buatsaih chhan sawiin, "India hmarchhak leilung hausakna te, awmze nei zawka ṭhenawm ram te nena tuipui kaltlanga insumdawn tawn nan hman leh cultural bakah tourism lama thuk zawka inzawmna neih a ni" a ti.

NADI 2016 chhim tur hian India Railway Minister Suresh Prabhu, Bangladesh Minister of Tourism and Civil Aviation Rashed Khan Menon, Bangladesh MoS Foreign Affairs Shahriar Alam, Meghalaya Chief Minister Mukul Sangma, Mizoram Chief Minister Lal Thanhawla bakah Nepal, Bhutan, Myanmar leh hmarchhak state
aṭangtein mi pawimawh tak tak an fuankhawm a ni.