Cement plant atan M'laya sorkarin sum thehchhuak dawn

Chief Minister Mukul Sangma chuan Meghalaya-a cement company hmasa ber, sum peh paia harsatna tawk mek, Mawmluh Cherra Cement Ltd (MCCL) khaichhuah nan state sorkarin cheng vaibelchhe 10 a ruahmansak thu a sawi.

Chief Minister chuan, cement plant thuamṭhat nan sorkarin sum tam tak thehchhuak tawh mah se MCCL chu public sector undertaking a nih avang­in harsatna aṭanga khaichhuah chu state sorkar mawhphurhna a ni, a ti.

"Hun kalta khan sor­kar chuan vaibelchhe 85 a lo thehchhuak tawh a, kum 2015-16 atan cheng vaibelchhe 10 a rua­hmansak leh a ni," a ti.

MCCL chuan a plant hlui an khar hnuah a hnuaia hnathawk mi 500 chuang thla nga hlawh a pek a ngai a, tunah hian a hnathawkte thla hlawhah thlatin vaibelchhe 1.3 a mamawh a ni, tiin Chief Minister Mukul chuan a sawi bawk.