Meghalaya Assembly Speaker-in fiahna paltlang

Meghalaya Speaker Abu Taher Mondal chuan Nilaini khan house-ah fiahna a paltlang.

Eptu party te'n Speaker Mondal-a chu assembly inkhawm sawi hona huna an tana hun hawng ṭha loa an puh hnuah a lakah no-confidence motion an putlut a ni.

Speaker fiahna in­khawm hi Ronnie V Lyng­doh-a'n a kaihruai a, mo­tion puluttu, Nation­al Peoples Party (NPP) MLA James K Sang­ma-a'n motion an puhluh chhan a sawi fiah hnu­ah voice vote hmanga speaker fiahna neih a ni.

NPP MLA Sangma chuan Assembly Speaker Mondal-a'n amah fiahna neih dawn a, panel of Chairmen a ruat thar chu rinhlelhawm a tih thu a sawi a, pawikhawihtua rinhlelhin a chungchang ngaihtuah tur, judge a ruat anga a ngaih thu a sawi.

Panel of Chairmen-a tel, Congress MLA Martin Danggo chuan damlohna avangin Nilainia Speaker fiahnaah a tel theih loh tur thu Thawhlehni khan a sawi a, mahse Nilainia Speaker fiahnaah a tel leh si vang leh Thawhṭannia Deputy Speaker Sanbor Shullai a ban avangin Speaker fiah a nih danah rorel lai sorkar laka eptu party-te rinhlelhna a tizual a ni.

Panel of Chairmen-a tel, Congress MLA Danggo-a'n a tel theih loh tur thu a sawi avang hian Speaker Mondal chuan Thawhlehni khan panel of chairmen a ruat thar a ni.

Parliamentary Affairs Minister Prestone Tynsong aleh Congress senior MLA DD Lapang chuan panel of chairmen chu Thawhlehnia ruat fel a nih vangin eptute chu thu awmze nei lo sawi chhuakah an puh.

Danggo-a'n a damloh avangin Speaker fiah hun­ah panel of Chairmen-ah a tel theih loh tur thu a sawi a, mahse doctor phalna a lak hnuah assembly inkhawmah a lo tel leh a ni, tiin Lapang chuan a sawi a, eptute chu an ṭhutkhawm chhan sawi loah a puh bawk a, panel of chairmen ruat chung­chang chu Thawhlehni khan sawichhuak tur an nih zawk thu a sawi bawk.