Tripura CM-in sorkar laipuiah vbc 3556 a dil

Chief Minister Manik Sarkar chuan Tripura chu special category state-a dah chhunzawm zel turin sorkar laipui a ngen a, state senso phuhruk nan kum nga chhunga hman tur, special grant vaibelchhe 17,780 a dil bawk.

Prime Minister Narendra Modi hnena lehkha a thawnah Chief Minister Sarkar chuan 14th Finance Commission (FC)-in kum nga chhung­a state ṭanpuina sum a rua­hmansak bakah ṭanpuina cheng vaibelchhe 3,556 pekbelh turin a dil.

Sarkar chuan hmar­chhak state te leh Tripura chu a bik takin special category state aṭanga paih theih an nih loh thu lehkha thawnah a tarlang bawk.

Tripura-in 14th Finance Commision-ah kum nga chhunga sum hman tur, cheng vaibel­chhe 64,215.03 a dil laiin, 14th FC chuan cheng vaibelchhe 31,308.76 chauh a phalsak thu a sawi.

Sum leh paia state harsatna chuan state sorkar a tihmangan thu sawiin Sarkar chuan Planning Commission ṭhiah a nih hnuah annual deficit phuhrukna atana sorkar laipuiin ṭanpuina a pek dan pawh tihdanglam a ni, a ti.