AP minister-in Covid-19 kai

Arunachal Pradesh education minister Taba Tedir chuan Covid-19 a kai tih kar liam ta Inrin­ni khan hriat a ni. 

Tedir chu social media-ah hri a kai thu hi sawiin, amah nena inhnaihna lo nei te pawh fimkhur tur leh, in test tir ve nghal turin a chah. 

Minister-in hri a kai tih hriat a nih hnu hian Legislative assembly speaker Pasang D Sona chuan assembly member-te chu in test vek turin a ti. Speaker chuan an state-ah hri kai an pun zel avang leh, hruaitute chu mipui zingah leh mipui nena inhnimhnai taka an awm fo avangin an in test vek a ṭul thu a sawi. Legislative complex-ah Rapid Antigen Testing facility siam a ni dawn a, Thawhlehni aṭangin MLA-te chu test an ni dawn tih a sawi a ni.