Meghalaya : Dan bawhchhiat vangin industrial unit 6 khar tir

Meghalaya State Pollution Control Board (MSPCB) chuan Byrnihat area-a industrial unit paruk chu board-in environmental norms a duante an bawhchhiat avangin a khar tir.

Principal Secretary of Forest & Environment, Sampath Kumar kaihhruain MSPCB team chuan industrial unit hrang hrangte an tlawh a, hetah hian unit parukte chu dan an zawm lo tih an hmu chhuak a ni. Heng unit-ah hian Pollution Control Device (PCD) atana meter siamte vuah a ni lo tih an sawi. Inspection team hian heng unit-a pollution pek chhuah chu PM2.5 level of 64.2 μg/m³ a tling nia sawiin, hei hi mihring tana air quality hrisel lo, unhealthy category, 35 μg/m³ aiin a sang hle tih an tarlang. MSPCB lam aṭangin hriattirna an dawng fo chungin, heng unit-te hian PCD mumal takin an kalpui lo a, Online Continuous Emission Monitoring System (OCEMS) pawh an hmang lo nia sawi a ni bawk. Thupek an zawm loh avangin an unit-te khar sak an ni a, environmental guidance chu an zawm thlap loh chuan hna an thawh chhunzawm phalsak an ni dawn lo tih MSPCB chuan a sawi bawk.